Skip to content

Archive for October, 2022

ڈاکٹر ڈھول باجے والاڈاکٹر سلیم ابوبکر کھانانیبائسویں قسطمیڈیکل کالج کے امتحانات دیتے وقت عقیل کو کبھی اتنے نفسیاتی دباؤ کا احساس نہیں ہوا تھا جتنا کہ آج ہورہا تھا۔ سارے کاغذات، دستاویزات اور پاسپورٹ کو اس طرح احتیاط سے سنبھالے دکان پر پہنچا جیسے کہ جان ہتھیلی پر رکھی ہوئ ہے۔ دل کی دھڑکن کو بار بار سمجھانا پڑ رہا تھا کہ ذرا آہستہ چل!آج خطبے اور نماز میں ایک ہی تمنا دعا بن کر لبوں پر آرہی تھی۔ اس نے سن رکھا تھا کہ جمعہ کے دن قبولیت دعا کی ایک خاص گھڑی ہوتی ہے اس لیئے مسلسل یہی دعا دل سے نکل رہی تھی کہ یا اللہ مجھے کینیڈین ایمیگریشن مل جائےخدا خدا کرکے نماز کے بعد گاہکوں کی خرید و فروخت سے فارغ ہوکر عقیل محو انتظار مسیحا ہوا۔ تین بجے سے سوا تین بجے تک پندرہ منٹ پندرہ صدیوں سے کم نہیں تھے۔ٹھیک وقت پر وکیل محمود جعفری آ دھمکے۔“ السلام علیکم وکیل صاحب میں سارے کاغذات لے آیا ہوں۔ کہاں دستخط کرنے ہیں؟” ایک ہی سانس میں عقیل نے یہ سب کچھ کہ دیا جبکہ وکیل صاحب کا ایک قدم ابھی دکان سے باہر ہی تھا۔اکرام الدین کی نگاہوں میں ایک شعلہ سا بھڑکا ہی تھا کہ وکیل صاحب کے زوردار قہقہے نے اس پر پانی پھینک دیا۔“ ارے بھئ عقیل میاں تم تو بہت تیز نکلے۔ بھئ ذرا دم تو لینے دو ابھی تمہارا کام کیئے دیتے ہیں۔”عقیل کے لرزتے ہاتھ، تیز چلتی ہوئ سانسیں اور لڑکھڑاتی آواز کو ایک اثبات سا ملا۔ شرمندگی کا رنگ چہرے کی زردی پر غالب آگیا۔“ جی جی وکیل صاحب۔ I am sorry. آئییے تشریف رکھیئے میں آپ کے لیئے سینڈ وچ اور چائے لاتا ہوں۔”وقت گزرنے کے ساتھ عقیل کی گفتگو میں اردو کے ساتھ انگریزی کی آمیزش ہونے لگی تھی۔ کتابوں سے سترہ سال میں اردو میڈیم کے تعلیم یافتہ عقیل کو انگریزی اتنی روانی سے بولنا نہ آئ تھی جتنی کینیڈا میں کچھ ہفتے گزارنے کے بعد آئ تھی۔ روزمرہ استعمال ہونے والی زبان بولنے کے لیئے باقاعدہ تعلیم یا قواعد کی کتابیں رٹنے کی ضرورت نہیں ہوتی۔ عرب ممالک میں بسنے والے غیر تعلیم یافتہ پاکستانی فر فر عام عربی سمجھ اور بول لیتے ہیں جب کہ دارالعلوم کے فارغ التحصیل حضرات صرف عربی لکھنا پڑھنا ہی سیکھ پاتے ہیں اور وہ بھی پرانی عربی زبان جو اب عرب ممالک میں بھی کتابوں تک ہی محدود رہ گئ ہے۔ یہی حال کینیڈا میں مقیم دیسییوں کا ہے جو انگریزی اور فرانسیسی کم از کم کام چلاؤ حد تک بول اور سمجھ سکتے ہیں۔صغریٰ کے ساتھ بھی عقیل انگریزی میں گفتگو کرنے کی کوشش کرتا تاکہ ایمیگریشن کے انٹرویو اور امریکی امتحانات میں دشواری کا سامنا نہ ہو۔ اس کے دیسی تلفظ پر صغریٰ کا کھلکھلا کر ہنسنا گویا رات کی خاموشی میں لہروں کا ترنم ہو۔رات میں کرنوں کی جنگ ، دشت میں اک جل ترنگ،دیدۂ حیراں کا رنگ، حلقۂ زنجیر تنگ، کیسے شعاع نظر اپنی رہا کیجئیے (اعجاز عبید)وکیل صاحب نے آج سینڈ وچ کھانے میں معمول سے زیادہ دیر لگائ اور تو اور چائے بھی ہلکے ہلکے گھونٹ لیکر پی۔ عقیل کو یہ انداز ایذاء پسندانہ محسوس ہوا لیکن قہرِ درویش بر جانِ درویش۔بالآخر خورد و نوش کا بظاہر لا متناہی سلسلہ اختتام پزیر ہوا۔ وکیل صاحب نے تمام کاغذات پر عقابی نظر دوڑائ۔ درخواست کے کاغذات پیشہ روانہ تجربے اور مہارت سے پُر کیئے۔ اکرام الدین نے عقیل کو وکیل صاحب کے ساتھ پچھلے کمرے میں بٹھا دیا تھا اور خود گاہکوں میں مشغول رہے۔ آخر یہ کام صرف عقیل کا ہی تو نہیں تھا!“ لو میاں عقیل درخواست مکمل ہوچکی ہے اور مجھے امید ہے کہ یہ کوشش پُر امید اور آرزوئے ہجرت برآور ثابت ہوگی۔”اتنی گاڑھی اردو عقیل کے سر سے گزر گئ لیکن لبوں سے آمین کی صدا بلند ہوئ۔ تشکر کے آنسوؤں کی حوصلہ افزا ہمراہی میں وکیل صاحب کا شکریہ ادا کیا اور آسمان کی طرف نظریں اٹھا کر دل ہی دل میں دعا کی۔اکرام الدین گاہکوں کو نمٹا کر دونوں کے منتظر تھے۔ ایک مرحلہ ابھی باقی تھا۔وکیل اور عقیل پچھلے کمرے سے یوں برآمد ہوئے جیسے مالک آگے اور غلام پیچھے۔“ وکیل صاحب درخواست مکمل ہوگئ؟”“ ارے اکرام الدین یہ تو میرے بائیں ہاتھ کا کام تھا، ایسے تو سینکڑوں cases میں نے نمٹائے ہیں۔ بس عقیل میاں تم فکر مت کرو۔”بے تکلفی آپ سے تم تک لے آتی ہے اور بعض اوقات مانوسیت کا انداز مخاطب کو زیر کرنے میں مددگار ثابت ہوتا ہے۔“ بھئ دیکھو ایمیگریشن کی درخواست کو تقویت دینے کے لیئے میں تمہیں ایک مشورہ ضرور دونگا، بلا مانگے اور وہ بھی مفت۔” وکیل صاحب کے بارعب قہقہے سے دکان گونج اٹھی۔ اکرام الدین کی آنکھوں میں امید کی کرنیں چمک اٹھیں۔ سر جھکائے ہوئے عقیل نے مودبانہ لہجے میں وکیل صاحب کا پھر سے شکریہ ادا کیا۔“ دیکھو میاں ایمیگریشن افسر یہ بھی دیکھتے ہیں کہ درخواست دہندہ یہاں مستقل رہنے کا خواہاں ہے یا صرف ایمیگریشن لیکر اپنا عارضی مقصد حاصل کرنا چاہتا ہے؟”“ وکیل صاحب آپ ہی بتایئے کہ مجھے کیا کرنا چاہیئے؟”“ تم بڑے بھولے ہو۔ لگتا ہے الف سے لیکر ے تک ہمیں ہی کچھ کرنا پڑے گا۔”وکیل صاحب کی ہنسی میں اکرام الدین بھی بڑے زور و شور کے ساتھ شامل ہوگئے۔“ میاں اگر تمہاری یہاں کسی اچھی کینیڈین لڑکی سے شادی ہوجائے تو یہ ممکن ہی نہیں کہ تمہاری درخواست نا منظور ہو۔”عقیل کو یقین نہیں آرہا تھا کہ قسمت اس پر اتنی مہربان ہوتی جارہی تھی۔“لیکن وکیل صاحب نا تو میرے والدین یہاں ہیں اور نا ہی میرے واپس شادی کے بعد رہنے کے لیئے کوئ جگہ ہے؟”“میاں کیا تم ہمیں غیر سمجھتے ہو؟ اچھا یہ بتاؤ کہ تمہاری نظر میں کوئ لڑکی ہے؟”عقیل کا دل اچھل کر حلق میں آگیا۔ لیکن کس منہ اس کا نام لوں دنیا کے سامنے؟عقیل کی سہمی ہوئ نظریں اکرام الدین کی طرف اٹھی ہی تھیں کہ جیسے وکیل صاحب نے انہیں پڑھ لیا ہو۔“بھئ اکرام الدین! عقیل میاں شریف النسب اور نجیب الطرفین خاندان کے چشم و چراغ معلوم ہوتے ہیں۔ تمہیں تو علم ہی ہے کہ صغریٰ بیٹی کے والد مرحوم اور نانا سے میرے دیرینہ اور قریبی تعلقات رہے ہیں۔ میرے لیئے وہ میری بیٹی کی طرح ہے۔ تمہاری کیا رائے ہے؟”دونوں بزرگوں نے اس سلسلۂ کلام کی rehearsal پہلے ہی سے کرلی تھی۔ “مجھے تو کوئ اعتراض نہیں۔ صغریٰ کو میں نے اپنی سگی بیٹی کی طرح پالا ہے۔ اسے اچھا رشتہ مل جائے تو مجھے اور کیا چاہیئے۔”“بس پھر نیک کام میں دیر کس بات کی؟ اسی اتوار کی شب ہم عقیل میاں کا رشتہ لیکر تمہارے گھر آ جائیں گے اور سادگی کے ساتھ منگنی کردیں گے۔”حسن اتفاق سے اس اتوار کو اجمل علی کو کسی تقریب میں شرکت کا موقع نہیں ملا تھا جس کی وجہ برف کا آنے والا طوفان تھا۔“ عقیل بیٹا تم کسی کو چاہو تو بلا سکتے ہو۔” اکرام الدین کے لہجے سے شفقت کے سوتے پھوٹ رہے تھے۔سوائے رضوان اور اس کے اہل خانہ اور اجمل علی اور اس کے رفقاء کے عقیل کی کسی اور سے واقفیت نہیں تھی۔ بس طے پایا کہ انہیں لوگوں کی موجودگی میں صغریٰ اور عقیل کی بات پکی کی جائے گی۔ on October 28, 2022

ڈاکٹر ڈھول باجے والاایک ناولڈاکٹر سلیم ابوبکر کھانانیاکیسویں قسطاکرام الدین نے دنیا دیکھی تھی۔ اسے بخوبی علم تھا کہ جیسی کرنی ویسی بھرنی۔ عقیل کو داماد بنانے کے تمام مثبت اور منفی پہلوؤں پر بڑا غور و خوض کیا۔ خود اپنی مثال اس کے سامنے تھی۔ ایسے کئ واقعات اس کے پیش نظر تھے جن میں دیسی نوجوان صرف ایمیگریشن کے چکر میں شادی کر لیتے اور پھر مستقل اقامت کا پروانہ ملتے ہی رفو چکر ہوجاتے۔ معاملہ صرف صغریٰ کے مستقبل کے تحفظ تک ہی محدود نہیں تھا بلکہ دکان، کاروبار اور جائداد کا بھی تھا۔ صغریٰ کے مرحوم والد نے کچھ رقم اور ایک چھوٹا سا مکان ترکے میں چھوڑا تھا۔ رقم تو سرٹیفیکٹ میں محفوظ تھی جو صغریٰ کی شادی پر اسے منتقل ہوجاتی۔ اور رہا مکان تو اس کا کرایہ کبریٰ ایک صابر و شاکر بیوی کی طرح شوہرِ نامدار کے فیاض ہاتھوں میں ڈال دیتی۔آج وکیل محمود جعفری نے عقیل کو وقت دیا ہوا تھا تاکہ کینیڈین ایمیگریشن کے لیئے کاغذی کاروائ مکمل کرلیں۔ اکرام نے پہلے ہی وکیل صاحب سے اپنے خدشات و تحفظات بیان کردئیے تھے۔ وکیل صاحب بھی ان پیچیدہ معاملات سے باخبر تھے۔ صغریٰ کے والد سے بھی ان کے مراسم رہے تھے اس لیئے ان کی ہمدردیاں بچی کے ساتھ تھیں۔ انہیں یہ بھی علم تھا کیا اکرام الدین نے کس طرح اپنے سُسر کی دکان ہتھیائ تھی۔“ بھئ اکرام دیکھو۔ میں تم سے متفق ہوں کہ آج کل کے نوجوان اپنے بہتر مستقبل کے لیئے کچھ بھی کرسکتے ہیں۔ میں بھی بیٹی کا باپ ہوں اور صغریٰ میرے سامنے پلی بڑھی ہے۔ لیکن اس کی شادی پر سرٹیفیکٹ میں محفوظ رقم بمع منافع اس کے والد کی وصیت کے مطابق اس کے بینک اکاؤنٹ میں منتقل ہوجائے گی۔ اس پر تمہارا کوئ اختیار نہیں۔ ہم یہ کرسکتے ہیں کہ یہ رقم صغریٰ کے ذاتی اکاؤنٹ میں جمع کروادیں اور اسے تاکید کردیں کہ اس رقم کو دوبارہ سرٹیفیکٹ میں جمع کردے یا پھر کسی اور investment account میں ڈال دے تاکہ وقت کے ساتھ اس میں اضافہ ہوتا رہے۔ رہا مکان تو وہ کبریٰ اور صغریٰ دونوں کے نام ہے لہذا کبریٰ کو سمجھانا پڑے گا کہ وہ اسے ابھی بیچ کر صغریٰ کا حصہ اسے نہ دے۔ہمارے دیسی ماں باپ اپنی بیٹیوں کو خود مختار بنانے کی بالکل کوشش نہیں کرتے۔ لڑکیوں کو پراعتماد بنانا چاہیئے۔ انہیں تعلیم کے زیور سے آراستہ کرنے کے ساتھ ساتھ کوئ ہنر بھی سکھانا چاہیئے تاکہ وہ اپنے پیروں پر کھڑی ہو سکیں۔ انہیں بحیثیت بیٹی اپنی ذمہ داریوں سے آگاہ کردینا ہی کافی نہیں۔ انہیں اپنے حقوق کا بھی علم ہونا چاہیئے۔ انہیں گھر سے دلہن بنا کر رخصت کرتے وقت یہ سبق نہیں دینا کہ اب تمہارے شوہر کے گھر سے تمہارا جنازہ ہی نکلے۔ انہیں یہ حوصلہ دینا چاہیئے کہ اگر تمہارے ساتھ بدسلوکی ہو رہی ہو ، تمہاری شخصیت کو دبایا جارہا ہواور تم اپنے شوہر کے ساتھ خوش نہیں رہ سکتیں تو مذہب اور قانون تمہیں علیحدگی کا حق دیتا ہے۔ ““ یہ سب تو ٹھیک ہے وکیل صاحب لیکن اگر عقیل کینیڈین ایمیگریشن لیکر صغریٰ کو چھوڑ دیتا ہے پھر؟”“اکرام الدین میاں بیوی میں بن سکے گی یا نہیں اس کی ضمانت کوئ نہیں دے سکتا۔ ہم صغریٰ کا حتی الامکان قانونی تحفظ کر سکتے ہیں اور اس کے ساتھ ساتھ اللہ سے دعا کرسکتے ہیں کہ وہ دلوں کو جوڑے رکھے۔ ایسے واقعات سے ہم دونوں ہی بخوبی واقف ہیں کہ لڑکا بیوی کو چھوڑ کر بھاگ دیا اور پھر نہ طلاق دیتا ہے اور نہ کہی فون یا خط کا جواب۔ حال ہی میں ایک پاکستانی اپنی کینیڈین گوری بیوی کو چھوڑ کر پاکستان چلا گیا اور پتہ چلا کہ وہاں بھی اس کے بیوی بچے ہیں۔ قانونی اور مذہبی طور اس صورت حال میں لڑکی کو خلا مل جاتی ہے لیکن اسلام اور پاکستان دونوں کو بدنام کیا جاتا ہے۔”اکرام الدین کی مکمل تشفی تو نہیں ہوئ لیکن اس نے وکیل صاحب سے درخواست کی کہ عقیل سے ملاقات پر وہ اس سے صغریٰ سے منگنی کی بات کریں اور جب تک عقیل نہ مانے ایمیگریشن کے کاغذات جمع نہ کرائیں“ میں پوری کوشش کروں گا اکرام۔ اللہ پر بھروسہ رکھو۔”حالات کے ساتھ ساتھ انسان کی سوچ بھی بدلتی رہتی ہے، کبھی اچھی تو کبھی بری۔ موروثی عوامل کے علاوہ ماحول، صحبت، تعلیم، پیسے کی فراوانی یا قلت، مذہب سے قربت یا دوری سب ہی انسان کے کردار اور سوچ پر اثر انداز ہوتے ہیں۔ اکرام کو احساسِ جرم ہوچلا تھا، مالی طور پر خود کفیل تھے اور کبریٰ جیسی حسین اور فرمانبردار بیوی کی رفاقت کے باوجود ایک کمی کا نہیں شدت سے اندر ہی اندر کھائے جارہی تھی۔ ان کی اپنی کوئ اولاد نہیں تھی جبکہ کبریٰ میں ماں بننے کی صلاحیت باقی تھی۔ کہتے ہیں کہ مکافات عمل کی چکٌی آہستہ ضرور چلتی ہے لیکن بہت باریک پیستی ہے۔حسن اتفاق سے اسی روز جمعہ کے خطبے میں امام صاحب نےقرآن کی چند آیات پڑھ کر سنائیں۔ عقلمند کو اشارہ کافی ہوتا ہے۔إِنْ أَحْسَنتُمْ أَحْسَنتُمْ لِأَنفُسِكُمْ ۖ وَإِنْ أَسَأْتُمْ فَلَهَااگر تم بھلائی کرو گے تو تم اپنے لئے ہی بہتر کرو گے اور اگر تم برا کرو گے تو تمہاری جانوں کیلئے ہی ہوگا۔حضرت حسن بصری رحمة اللہ علیہ سے کسی نے قحط سالی کی شکایت کی ، یعنی بارش نہ ہونے کی، تو انہوں نے فرمایا: استغفار کرو، دوسرے نے تنگدستی کی شکایت کی،تو اس کو بھی فرمایاکہ : استغفار کرو، تیسرے آدمی نے اولاد نہ ہونی کی شکایت کی،تو اس کو بھی فرمایاکہ: استغفار کرو، چوتھے نے شکایت کی کہ پیداوار زمین میں کمی ہے،تو ان کو بھی فرمایاکہ: استغفار کرو، پس کہا گیا کہ آپ نے ہر شکایت کا ایک ہی علاج تجویز فرمایا ؟تو انہوں یہ آیت تلاوت فرمائی:”استغفرو ربکم انہ کان غفاراً یرسل السماء علیکم مدراراً ویمدد کم باموال وبنین ویجعل لکم جنت ویجعل لکم انہارا۔“ (نوح:۱۰)ترجمہ:۔ ”گناہ بخشواؤ اپنے رب سے بے شک وہ ہے، بخشنے والا، وہ کثرت سے تم پر بارش بھیجے گا اور تمہارے مال اور اولاد میں ترقی دے گا اور تمہارے لئے باغات بنادے گا اور تمہارے لئے نہریں جاری فرمادے گا۔اکرام الدین کی آنکھوں پر پڑا ہوا دبیز پردہ دفعتاً اٹھ گیا۔ دل کا زہر چشم تر سے یوں نکلا کہ سجدے میں ڈار ھی مکمل طور پر بھیگ گئ۔ اللہ تعالیٰ سے صدق دل سے استغفار کیا اور مصمم ارادہ کیا کہ صغریٰ کی شادی دھوم دھام سے کریں گے گویا وہ ان کی سگی اولاد ہو۔ on October 21, 2022

ڈاکٹر ڈھول باجے والاایک ناولسلیم ابوبکر کھانانیبیسویں قسطمعمول کے مطابق عقیل نے فجر کی نماز اکرام الدین کے ساتھ مسجد میں ادا کی۔ ضرورت انسان کو خدا سے قریب تر لے آتی ہے۔ سجدے طویل تر ہوجاتے ہیں۔ آواز میں رقت اور آنکھوں میں آنسوؤں کے سمندر ابلنے لگتے ہیں۔ عقیل نے رات سے ہی متعلقہ کاغذات جمع کرکے رکھ لیئے تھے۔ صغریٰ سے تنہائ میں دو لمحے کی گفتگو کا موقع پاکر عقیل نے اسے بتا دیا کہ وکیل صاحب کینیڈین ایمیگریشن کے حصول کے سلسلے میں اس کی مدد کر رہے ہیں۔صغریٰ کے والد کا انتقال اس کی کم سِنی میں ہی ہوگیا تھا۔ اک موہوم سی شکل مبہم سے خد و خال ایک شفقت بھرا لمس ایک محبت سے لبریز آواز بس یہی کچھ باپ کی یادیں اس کی روح میں جذب ہوچکی تھیں۔ اکرام الدین کا صغریٰ کے ساتھ رویہ کبھی ناخوشگوار نہیں رہا لیکن سوتیلی اولاد کبھی بھی اپنی اولاد نہیں بن سکتی اور نہ ہی سوتیلا باپ اصلی باپ جیسا پیار دے سکتا ہے۔ اکرام الدین کو اپنی ذمہ داری کا بھی احساس تھا (آخر دوسروں کے سامنے اپنی عزت اور ساکھ کا تحفظ ایک کاروباری کے لیئے ناگزیر ہوتا ہے۔ زمانے کو منہ دکھانا ہی ہوتا ہے۔) اور شادی بیاہ کے اخراجات کا بھی بخوبی اندازہ تھا۔ دو بہنوں کی شادی جو کر کے تھے۔اب گھر میں پہلی بڑھی سوتیلی بیٹی سرو کے درخت کی مانند ہوچلی تھی۔ خوش شکل تو تھی ہی۔ کافی رشتے آچُکے تھے لیکن اکرام الدین ٹال مٹول سے کام لے رہے تھے۔ اچھے گھرانے میں رشتے کا مطلب تھا کہ شادی دھوم دھام سے ہوگی۔ عقیل کی صورت میں انہیں ایک سونا دینے والی مرغی نظر آرہی تھی۔ کم خرچ اور بالا نشین۔ چند قریبی رشتے داروں اور احباب کو مسجد بلا کر سادگی سے نکاح کرنا سود مند ہوگا۔ اور چونکہ دامد ڈاکٹر ہوگا اس لیئے کوئ یہ طعنہ نہ دے سکے گا کہ سوتیلے باپ نے بس اپنی جان چھڑائ۔کبریٰ کے ساتھ اس موضوع پر کئ بار بحث ہوچکی تھی۔ اکلوتی بیٹی کی شادی دھوم دھام سے کرنے کی خواہش کس ماں کو نہیں ہوتی؟ کبریٰ کے احتجاج کا جواب اکرام الدین کے پاس یہ تھا کہ اسلام سادگی کا سبق دیتا ہے۔ فضول خرچی حرام ہے۔ شادی بیاہ پر کی جانے والی فرسودہ رسومات بدعت شمار ہوتی ہیں۔“ مجھے اللہ کو بھی جواب دینا ہے۔ دنیا والے تو کہتے رہتے ہیں۔ بڑی دعوت کے ہم محتمل نہیں ہوسکتے۔ لوگ آئیں گے اور کھانا کھا کر ڈکار لیتے ہوئے چلے جائیں گے۔ ہم نہایت وقار اور سادگی کے ساتھ اپنی بیٹی کا نکاح مسجد میں منعقد کریں گے۔ لڑکا ڈاکٹر ہے جلد ہی صغریٰ لاکھوں میں کھیلے گی۔”اسلام کی سادگی پر عمل پیرا ہونے کا وعظ دینے والے اکرام الدین اپنی دونوں بہنوں کی شادی کبریٰ کو وراثت میں ملنے والی رقم سے دھوم دھام کے ساتھ کر چکے تھے۔ مسجد کی بجائے ٹورنٹو کے ایک اچھے ہوٹل میں بینڈ باجے کے ساتھ۔ مشروبات و ماکولات کا تو پوچھیں ہی مت۔ مہینوں تک لوگوں سے تعریف سن کر اکرام صاحب پھولے نہیں سماتے تھے۔کبریٰ اتنی ناسمجھ بھی نہ تھی لیکن کس سے کہتی؟ عورت اگر خود کفیل نہ ہو تو شوہر کے ناروا سلوک پر خاموشی کو اپنا مذہبی فریضہ سمجھ کر مطمئن ہوجاتی ہے۔ نندوں کی شاندار شادی کا وبال اس کے کاندھوں پر نہیں تھا۔ وہ اپنی بیٹی کے نکاح کی ذمہ دار تھی۔ آخر اکرام صاحب ٹھیک ہی تو کہتے تھے۔ ذرا سے دکھاوے کے لیئے فضول خرچی ایک ناپسندیدہ عمل ہے۔ سادگی سے صغرٰی کا نکاح کرکے وہ اوروں کے لیئے ایک مثال قائم کرسکتی تھی۔صغرٰی ماں باپ کے مابین گفتگو کو چوری چھپے سن چکی تھی۔ دھوم دھام سے سونے کے زیورات میں سجی ہوئ دلہن بننے کا ارمان ہر جوان امنگوں بھری لڑکی کی طرح اس کے دل میں بھی تھا لیکنیہ الگ بات کہ شرمندۂ تعبیر نہ ہوںورنہ ہر ذہن میں کچھ تاج محل ہوتے ہیںناز و نعم میں پلی بڑھی دھوم دھام سے بیاہی ہوئ تمام ہی لڑکیوں کی تقدیر میں دنیا میں جنت کی حور بن کر رہنا نہیں لکھا ہوتا۔ اور اس کے برعکس دو کپڑوں میں سادگی سے ماں باپ کی دعاؤں کی ہمراہی میں رخصت ہونے والی کچھ بیٹیاں رانی بن کر زندگی گزارتی ہیں۔وقت کے تقاضوں کے پیش نظر صغرٰی کو عقیل سے بے حجابانہ ملنے کی اجازت مل چکی تھی جس کا وہ بھر پور فائدہ اٹھا رہی تھی۔ عقیل نسبتاً شرمیلے تھے لیکن چشم یار کی شہ پا کر وہ بھی آہستہ آہستہ کھلنے لگے تھے۔“صغرٰی کیا مجھے ایمیگرشن مل جائے گی؟ کوئ مسئلہ تو نہیں کھڑا ہوجائے گا؟”“ اللہ پر بھروسہ رکھیں عقیل۔ محمود چاچا بہت اچھے وکیل ہیں اور اس طرح کے کئ کیس میں انہیں کامیابی ہوئ ہے۔ آپ بالکل فکر نہ کریں۔”لبِ یار سے نکلے ہوئے پھول گویا مرہم کی طرح عقیل کی بے چین روح کو سکون و راحت فراہم کر رہے تھے۔میرے ماتھے پہ تیرے پیار کا ہاتھپھول پر دست صبا ہو جیسے“ تم میرے لیئے دعا کروگی ناں؟”“ کیوں نہیں۔ یہ بھی کوئ پوچھنے کی بات ہے؟ عشاء میں بھی کی تھی اور تہجد میں بھی کروں گی۔ تہجد اور فجر میں کی ہوئ دعائیں رب العزت کے یہاں خاص طور پر مقبول ہوتی ہیں۔”صغرٰی کے بتائے ہوئے طریقے پر عمل پیرا ہوتے ہوئے عقیل نے زندگی میں پہلی بار تہجد کی نماز ادا کی۔ پتہ نہیں کہ ایمیگریشن کی دعاؤں میں زیادہ خشوع و خضوع تھا یا صغرٰی کو پانے کی التجاء میںسب کچھ خدا سے مانگ لیا تجھ کو مانگ کراٹھتے نہیں ہیں ہاتھ میرے اس دعا کے بعدفجر کے بعد گھر آکر صغرٰی کے ہاتھ کی بنی ہوئ گرما گرم روٹیاں آج معمول سے زیادہ پسند آئیں۔ نظروں نے نظروں سے دل کے پیغامات کا تبادلہ کیا۔ باتیں جو زباں تک آ نہ سکیں آنکھوں نے کہیں آنکھوں نے سنیںبنا الفاظ کے گفتگو کا بظاہر غیر متناہی سلسلہ اکرام الدین کی کرخت آواز سے ٹوٹا۔ عقیل نے کاغذات سنبھالے اور ہونے والے سسر کے ساتھ دل ہی دل میں دعائیں پڑھتے ہوئے دکان کی طرف روانہ ہوا۔ دل کی دھڑکن اگر کسی نے سنی تو وہ صغرٰی تھی۔ on October 14, 2022

on October 7, 2022